Túrkistan oblysynda «Jasyl el» eńbek jasaǵynda 500-den astam jas jumys isteýde
TÚRKІSTAN. QazAqparat - Túrkistan oblysynda jazǵy demalys kezinde qosymsha qarjy taýyp, «Jasyl el» eńbek jasaǵynyń qatarynda júrgen jastar barshylyq. Maýsym aıynan bastap qolǵa alynǵan sharada búginge deıin 500-den astam stýdent eńbek etip, aımaqtaǵy túrli nysandardyń abattandyrylýyna atsalysyp keledi. Bul týraly QazAqparat oblys ákimliginiń resmı saıtyna silteme jasap dep habarlaıdy.
Maýsymdyq jumysqa tartylǵan stýdentter men jumyssyz jastardyń eńbekaqysynyń 50 paıyzy jumys berýshi mekemeden, qalǵan 50 paıyzy respýblıkalyq bıýdjetten tólenip keledi.
Ótken jyly «Jasyl el» eńbek jasaqtaryna tartylǵan jastardyń arqasynda 117 eldi mekendegi 6 myń metrge jýyq sharbaq syrlanyp, 100 myńnan astam kóshet otyrǵyzyldy. Sonymen birge, byltyr 445,8 myń ga saıabaq pen alleıalar, ortalyq kóshe boılary abattandyryldy.
Aıta ketý kerek, Elbasynyń bastamasymen qurylǵan eńbek jasaǵy oblysymyzda 2009 jyldan beri júzege asyrylyp keledi. Toǵyz jyldyń ishinde óńirimizdegi 13 myńnan asa jas kógaldandyrý-kóriktendirý jumystaryna jumyldyrylǵan.
