Túrkistan oblysynda jastar ardagerlerge qurmet kórsetti
«Nur Otan» partııasy Kentaý qalalyq fılıaly uıymdastyrǵan aktsııa barysynda soǵys ardagerleriniń eskertkishterin tazalaý jumystary atqaryldy. Jastar S.Qojanov saıabaǵyndaǵy soǵys ardagerleriniń esimderi jazylǵan «Azaly ana» stellasyna, «Kenshiler» saıabaǵyna, Qonaev dańǵylyn tazartyp shyqty. Alleıalardǵy shópterdi julyp, gúl egetin oryndardy daıyndady. Іs-shara barysynda qalalyq ardagerler keńesiniń tóraǵasy Isahan Jumabaev Otanyn saqtap, bolashaq urpaqqa beıbit ómir syılaǵan ardagerlerdi aıalaý árbir jastyń paryzy ekendigin aıtty. «Nur Otan» partııasy Kentaý qalalyq fılıaly tóraǵasynyń orynbasary Saǵynbek Asylbekov «Ardagerlerdi ardaqtaıyq» partııalyq jobasynyń barysymen tanystyrdy.
«Basty maqsat - ardagerlerge qolǵabys etý jáne osy ıgi shara arqyly jastardyń boıynda eljandylyqty qalyptastyrý. Mundaı sharalardy tek josparly túrde ǵana emes, udaıy ótkizip otyrýdy qolǵa alyp otyrmyz», - dedi Saǵynbek Asylbekov.
Munan soń, kópshilik qalaǵa qarasty Qarnaq aýylynda turatyn Uly Otan soǵysynyń ardageri Ergesh Salıev pen tyl eńbekkeri Anarbaı Ábsadyqovtyń úıine baryp, jaǵdaıyn bildi. Jastar olardyń úıindegi jumystaryna qolǵabys etip, aýlalarynyń aınalsyna rettedi. Kónekóz qarııalardyń áserli áńgimelerin tyńdap, batasyn aldy. Aqsaqaldarǵa syı-sııapat jasap, jaqsy tilekterin aıtty. Qarııalar da óz kezeginde óskeleń urpaqqa el birligin saqtap, tárbıeli de tártipti, bilimdi bolý qajettigi jóninde aqyl-keńesterin berdi.
«Biz mundaı aktsııalardy jıi ótkizip turamyz. Qaladaǵy árbir oqý orny ár ardagermen turaqty baılanys ornatqan. ıAǵnı, olardyń jaǵdaılaryn bilip, ózindik kómekterin kórsetip turady. Emhanamen birlese uıymdastyratyn «Ardager densaýlyǵy» atty aktsııa kezinde qan qysymyn ólshep, densaýlyqtaryn tekseremiz. Odan bólek, erikti jastar úılerine baryp aýlasyn tazalap, otyn-sýyn daıyndap, úıishilik jumystaryna kómektesedi», - dedi qalalyq Jastar resýrstyq ortalyǵynyń dırektory Qanat Bekmetov.
Aıta keteıik, qazirgi kezde Kentaý qalasy boıynsha 10 ardager, 800-den astam tyl eńbekkeri bar. Al, jastar sany 50 myńnan asady. Aǵa urpaqtyń erlik isterin keler urpaqqa jetkizý jáne elin qorǵaǵan batyrlardyń esimderin ulyqtaýdy jastar árdaıym nazarda ustap keledi.
