Túrkistan oblysynda jasóspirimniń basyna abaısyzda oq tıip, qaıtys boldy

TÚRKІSTAN. QazAqparat - Túrkistan oblysynda qustardy atý kezinde qaıǵyly oqıǵa boldy, dep habarlaıdy QazAqparat POLISIA.KZ-ke silteme jasap.

8 shilde kúni keshke Qazyǵurt aýdanyndaǵy JShS-niń biriniń egis alqabynda júzim baǵynda qustardy atý úshin jaldanǵan er adamnyń atqan oǵy baıqaýsyzda jasóspirimniń basyna tıgen.
«Atalǵan fakti boıynsha QR QK-niń 104-baby 1-bóligi «Abaısyzda qazaǵa ushyratý» boıynsha sotqa deıingi tergeý amaldary júrgizilip jatyr.

Oqıǵa ornyna Qazyǵurt aýdandyq polıtsııa bóliminiń basshylyǵy, aýdan prokýrory men jedel-tergeý toby birden keldi. Kúdiktiden 12 kalıbrli ańshy myltyǵy alyndy. Saraptama taǵaıyndaldy», - delingen habarlamada.
Kúdikti, Saryaǵash aýdanynyń turǵyny polıtsııa bólimine jetkizildi. Oqıǵanyń mán-jaıy anyqtalyp jatyr.