Túrkistan oblysynda jasóspirimder arasynda 500-den astam quqyqbuzýshylyq anyqtaldy
TÚRKІSTAN. QazAqparat - Túrkistan oblysynda polıtseıler «Qaýipsiz mektep» jedel-profılaktıkalyq is-sharasyn ótkizdi. Mektep oqýshylarynyń qaýipsizdigin saqtaý maqsatynda uymdastyrylǵan sharada 500-den astam quqyqbuzýshylyq anyqtaldy, dep habarlaıdy QazAqparat tilshisi.
«Qaýipsiz mektep» jedel-profılaktıkalyq is-sharasynda 900-ge jýyq oqý oryndary qamtylyp, kámeletke tolmaǵan 371 jasóspirimge quqyqtyq keńes berildi. Іshki ister organdary bastamasymen quqyqbuzýshylyq profılaktıkasy jóninde 197 keńes ótkizilip, kámeletke tolmaǵandar esebinde turǵylyqty mekenjaıy boıynsha 500-den astam bala tekserildi. 523 qolaısyz otbasy tekserilip, túsindirý jumysy júrgizildi.
Sondaı-aq kámeletke tolmaǵandarǵa qatysty 526 ákimshilik quqyqbuzýshylyq anyqtalyp, 35 ata-ana ákimshilik jaýapkershilikke tartylǵan.
Kámeletke tolmaǵan adamdy masań kúıge deıin jetkizý jáne usaq buzaqylyqpen, jasóspirimder arasynda buzaqylyq pen alkogoldik ishimdikterdi ishý nemese qoǵamdyq oryndarǵa masań kúıde kelý, kámeletke tolmaǵandardyń túngi ýaqytta oıyn-saýyq mekemelerinde nemese turǵynjaıdan tys jerde bolýy boıynsha 394 jasóspirim anyqtalyp, tıisti sharalar kórilgen.
