Túrkistan oblysynda jasóspirim qyz abaısyzda sýǵa batyp ketti
TÚRKІSTAN. QazAqparat – Túrkistan oblysynda 4-synyp oqýshysy kanal sýyna batyp ketip, qaıtys boldy. Qaıǵyly jaǵdaı Keles aýdanynyń Abaı aýylynda bolǵan, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, 11 jastaǵy qyz 8 mamyr kúni saǵat 17:10-da «Oshaqty» sýarmaly kanalyna qulap ketken. Qasynda bolǵan qurbysy onyń oınap júrip, abaısyzda sýǵa batyp ketkenin aıtqan.
«Jasóspirimdi izdeý sharalaryna TJD JQJ (6 qutqarýshy, 1 júzý quraly jáne 1 birlik tehnıka), TJD (6 qyzmetker jáne 2 birlik tehnıka), JAO (4 jumysshy, 1 birlik tehnıka jáne 2 júzý quraly) jumyldyryldy. Sondaı-aq, jasóspirimniń týystary (12 adam), PD (8 qyzmetker jáne 2 birlik tehnıka) qatysty. Nátıjesinde keshki saǵat 21:20-da TJD týystarynyń kúshimen qyz balanyń máıiti qulaǵan jerinen tómen qaraı 5 shaqyrym jerden tabylyp, sýdan shyǵaryldy» delingen habarlamada.
