Túrkistan oblysynda jasandy tynys alý apparattarynyń sany 50% ósti
TÚRKІSTAN. QazAqparat - Óńirdegi ókpeni jasandy jeldetý qondyrǵylarynyń sany 50% -ǵa deıin ósti. Ottegi stantsııasynyń sany úsh esege artty. Sonymen qatar, jańadan 80 ottegi quraly (HI-FLOW) satyp alyndy, dep habarlaıdy Túrkistan oblysy ákimdiginiń baspasóz qyzmeti.
Ottegi kontsentratorlarynyń sany 95% -ǵa ósti. Ottegi núkteleriniń sany 10 esege ósip, 205-ten 2095-ke deıin kóbeıdi. Túrkistan oblysynda koronovırýs juqtyrǵan 114 naýqas em qabyldap jatyr. Pandemııa bastalǵaly 3837 koronovırýs ınfektsııasy tirkeldi, onyń 2393-i sımptomsyz, 1642-si statsıonarlyq em qabyldady. Jalpy Túrkistan oblysyndaǵy epıd jaǵdaı qalypty, óńir «jasyl» aımaqta.
Qazirgi tańda elimizde koronovırýs juqtyrǵandardyń arasynda klınıkalyq belgileri joq naýqastar sany artqan. Túrkistan oblysy Qoǵamdyq densaýlyq saqtaý basqarmasynyń ınfektsıonıst dárigeri Zarıpa Amangeldiqyzy koronavırýs belgileri joq, alaıda dıagnozy rastalǵan turǵyndarǵa jedel járdem shaqyrmaı, call-ortalyqqa habarlasýdy usyndy.
«COVID-19-dy juqtyrǵan ýaqyttan bastap, klınıkalyq belgilerdiń paıda bolýy arasyndaǵy kezeńniń uzaqtyǵy 5-6 kún, biraq 1 kúnnen 14 kúnge deıingi aralyqta bolýy yqtımal. Taldaý nátıjesi oń bolyp, aýrýdyń eshqandaı belgisi baıqalmasa, úıden shyqpaı-aq tirkelgen jer boıynsha emhanaǵa qońyraý shalý qajet. Nátıjesi oń bolǵan jaǵdaıda jáne aýrýdyń eshqandaı belgisi bolmasa, tirkelgen jeri boıynsha emhanaǵa úıden shyqpaı-aq qońyraý shalýy qajet. Sonymen qatar, 103 nómirine Sall-ortalyqqa júginýge bolady. Naýqasty aýrýhanaǵa jatqyzý emhana deńgeıinde sheshiledi»,- dedi ınfektsıonıst dáriger.
Onyń aıtýynsha, naýqas ambýlatorııalyq jaǵdaıda baqylaýǵa alynsa, medıtsınalyq-sanıtarııalyq alǵashqy kómek kórsetý brıgadasy kún saıyn eki ret telefon arqyly habarlasyp, jaı-kúıin bilip, dene qyzýyn baqylap, syrqat boıynsha shaǵymyn anyqtaıdy. Qajet bolǵan jaǵdaıda úsh kúnde bir ret vıdeo konsýltatsııa júrgiziledi. Aýrýdyń belgileri joq naýqastardy baqylaý ózin-ózi oqshaýlaýdyń 10-kúninde PTR tekserisinen keıin nemese PTR tekserýinsiz 14-kúni aıaqtalady.
Túrkistan oblysynda turaqty negizde oblysta koronavırýstyq ınfektsııasy bar naýqastardy emdeýge jatqyzý úshin myńǵa jýyq ınfektsııalyq jáne karantındik tósek uıymdastyryldy. Memlekettik PTsR zerthanalarynyń sany 3 esege kóbeıtildi. Pandemııa bastalǵannan beri 400 myńǵa jýyq adam PTR zerthanalarynda tekserildi. Aımaqta orta eseppen kúnine 3000 synaq júrgiziledi.
