Túrkistan oblysynda jas jigit týysqanyn óltirdi degen kúdikke ilindi
Birden shaqyrtýǵa ýchaskelik polıtsııa ınspektory polıtsııa kapıtany Berik Aıdosov shyqty.
Tártip saqshysy oqıǵa ornyn muqııat tekserý barysynda, úıdiń aýlasynda ornalasqan qudyqqa aparatyn joldan qannyń izderin baıqady.
Anyqtalǵandaı tereńdigi 2 metrlik qudyqta er adam qımylsyz jatqan, ony aýyl turǵyny tanyp, kórshisi ekenin aıtqan.
Tabylǵan máıit boıynsha polıtseı kezekshi bólimniń 102 pýltine habarlady. Birneshe mınýt ishinde aýdandyq bólimnen jedel-tergeý toby keldi.
Krımınalıster tekserý kezinde máıitten kóptegen kógergen tustary men gemotomalardy tapty.
Atalǵan jaıt QR QK 99-baby boıynsha tirkeldi.
Mán-jaıdy anyqtaý úshin polıtseıler, qaıtys bolǵan er azamattyń tanystaryn, olarmen qarym-qatynasyn, ómir súrgen saltyn zerdeledi.
Úzdiksiz júrgizilgen jedel is-sharalar barysynda jábirlenýshiniń týys inisi kúdikke ilindi.
Ony polıtsııa qyzmetkerleri aýdan ortalyǵyndaǵy kóshelerdiń birinen ustady.
Belgili bolǵandaı, jas jigit týysynyń úıine kelgen. Eki er adamnyń arasynda janjal shyqqan.
Sosyn inisi týys aǵasyn ólgenshe uryp-soqqan.
Sodan keıin jas jigit óziniń aýyr qylmysyn jasyrý úshin máıitti úıdiń aýlasynda ornalasqan sýy tartylǵan qudyqqa laqtyryp, qashyp ketken.
Qazirgi tańda kúdikti qamaýda. Sotqa deıingi tergeý amaldary júrip jatyr. Saraptamalar taǵaıyndaldy.