Túrkistan oblysynda janarmaı tasıtyn júk kóligi men jeńil mashınalar soqtyǵysty
ShYMKENT. QazAqparat – Túrkistan qalasy mańynda janarmaı tasıtyn júk kóligi men jeńil mashınalar soqtyǵysyp qaldy. Jol-kólik oqıǵasy Shymkent-Samara tas jolynyń boıynda oryn alǵan, dep habarlaıdy QazAqparat tilshisi.
Aıta keteıik, buǵan deıin áleýmettik jelide birneshe avtokólikterdiń qatysýymen jol-kólik oqıǵasy bolǵany jóninde beınejazba taraǵan bolatyn. Oblystyq polıtsııa departamentiniń málimetinshe, atalǵan jol apaty 27 mamyr kúni saǵat 13.00 shamasynda oryn alǵan.
«Dongfeng» mashınasynyń júrgizýshisi Shymkentten Qyzylorda qalasyna bara jatqan jol qıylysynyń birinde qarama-qarsy baǵytta kele jatqan Gaz-53 (Benzovoz) avtokóligimen soqtyǵysqan. Qatty soqqy saldarynan «Gaz 53» jol qıylysynda turǵan «Deý Djentra» men «Aýdı 100» avtokólikterin qaǵyp, aýdarylǵan. Qaza bolǵandar men zardap shekkender joq», delingen habarlamada.
Atalǵan jaıt boıynsha quqyq buzýshyǵa qatysty QR ÁQBtK-niń 610-babyna sáıkes ákimshilik hattama toltyryldy. Qazirgi tańda bul keleńsiz jaǵdaı boıynsha jınalǵan materıaldar sheshim qabyldaý úshin mamandandyrylǵan ákimshilik sotqa joldandy.
