Túrkistan oblysynda jańadan qurylǵan aýdannyń ákimi jastarmen kezdesti

TÚRKІSTAN. QazAqparat - Túrkistan oblysynda jańadan qurylǵan Keles aýdanynyń ákimi Aqmentaı Úsenuly jastarmen kezdesti. Abaı aýylynda ornalasqan №13 kolledjge barǵan aýdan basshysy oqý ornynyń tynys-tirshiligimen tanysyp, jataqhanada boldy, dep habarlaıdy QazAqparat tilshisi.

Elbasy N. Nazarbaevtyń aǵymdaǵy jyldy «Jastar jyly» dep ataýy aýyl jastaryna da serpin berip otyr. Osy rette, Keles aýdanynyń ákimi Aqmentaı Úsenuly jergilikti jastarǵa barynsha qoldaý kórsetý maqsatynda, olarmen birneshe kezdesý ótkizip te úlgerdi. Orta arnaýly oqý ornynda aýdan basshysy belsendi jastarmen ashyq suhbat alańyn qurdy. Olardyń kókeıinde júrgen suraqtaryna jaýap berip, qoǵamdaǵy ózekti máselelerdi birge talqylady. Stýdentterdiń pikirin bilip, usynystaryn tyńdady. Aldaǵy ýaqytta qoǵamnyń belsendi jastary bolýǵa shaqyrdy.

Aıta keteıik, 400 jasqa arnalǵan atalǵan aýdandaǵy jalǵyz kolledjde stýdentterge barlyq jaǵdaı jasalǵan. Oqý ornyndaǵy jataqhanada jyly sý, alǵashqy medıtsınalyq kómek kórsetetin oryn jáne jastardyń bos ýaqytta jınalatyn demalys bólmeleri bar. Sondaı-aq kolledjde sport zaly, ashana, mádenıet zaly men kitaphana ashylǵan. Budan ózge, stýdentterdiń qolymen jasalǵan qural-jabdyqtar, kıim-keshekter men tehnıkalyq zattar qoıylǵan arnaıy kórme turaqty jumys isteıdi.