Túrkistan oblysynda jańadan 8 medıtsınalyq nysan salynady - Eljan Birtanov

  TÚRKІSTAN. QazAqparat -  Búgin Túrkistan oblysyna jumys saparmen elimizdiń Densaýlyq saqtaý mınıstri Eljan Birtanov keldi. Mınıstr oblys ortalyǵyndaǵy birqatar emdeý mekemelerin aralap, óńirdiń medıtsına qyzmetkerlerimen kezdesti, dep habarlaıdy QazAqparat tilshisi.

Elbasy Nursultan Nazarbaevtyń Joldaýyn túsindirý maqsatymen kelgen Eljan Birtanov aldymen Túrkistan qalalyq emhanasy men № 3 oblystyq perınataldyq ortalyqtyń jumysymen tanysty. Qaladaǵy Túrkistan joǵary medıtsınalyq kolledjiniń ustazdarymen kezdesti.  Oqý ornynda oblys ákimi Janseıit Túımebaev pen qalalyq, aýdandyq aýrýhanalardyń bas dárigerlerimen, túrli medıtsınalyq uıymdardyń basshylarymen arnaıy jıyn ótkizdi. Mınıstr Elbasy Joldaýyndaǵy medııtsına salasyna qatysty berilgen qoldaýlardy túsindirip ótip, aldaǵy ýaqytta atqarylatyn jumystar barysymen tanystyryp ótti.

«Biz Túrkistan oblysynyń ákimigimen birlesip jumys júrgizip, bıýdjetine ózgerister engizip otyrmyz. Jańadan 8 medıtsınalyq nysan salynady dep josparlanýda. Ol nysandardyń qatarynda aýdandyq aýrýhana, emhanalar. Sondaı-aq, Túrkistandaǵy perınataldyq ortalyqtyń janyna qosymsha 150 oryndyq korpýs salynady. Odan bólek munda keleshekte oblystyq, qala berdi halyqaralyq deńgeıdegi jańa arýhanalar qajet. Sebebi, munda týrıster kóptep keledi. Bul baǵytta Elbasynyń Túrkistan oblysyn damytý jónindegi tapsyrmasy boıynsha arnaıy jospar bekitilgen. Sol josparǵa sáıkes, Túrkistan qalasynan kópsalaly aýrýhana salynady. Ol memlekettik-jekemenshik áriptestik aıasynda júzege asyrylady. Qazirdiń ózinde ony salýǵa qyzyǵyp otyrǵan ınvestorlar bar. Oǵan qosa qarjy ortalyqtarymen, Damý bankimen  kelissózder júrgizilýde. Jyldyń sońyna deıin  memorandýmdarǵa qoı qoıylyp, ǵımarattar men medıtsınalyq uıymdar salý josparlanyp otyr», - dedi Eljan Birtanov.