Túrkistan oblysynda jańa jyl túni kezekshilik qyzmet atqarǵan polıtseılerge syılyq taratyldy
Jańa jyl túni Túrkistanda tártip saqshylary kúsheıtilgen tártippen qyzmet etti. Sondyqtan, turǵyndardyń tynyshtyǵyn kúzetip, qoǵamdyq qaýipsizdikti saqtaýshy olar merekeni otbasymen emes, qyzmet babynda qarsy aldy.
Túrkistan oblysy Polıtsııa departamentiniń bastyǵy, polıtsııa general-maıory Qaırat Dálbekov, túngi aýysymǵa túsken jedel basqarý ortalyǵyndaǵy tártip saqshylaryn jańa jylmen quttyqtady.
«Otbasylyq mereke kúni, halyq aldynda bergen anttaryńyzǵa adal bolyp, minsiz qyzmet atqaryp jatqandaryńyz úshin alǵysymdy bildiremin», -degen Qaırat Dálbekov sebet toly jemis-jıdek pen táttilerdi úlestirdi, qyzmetke qajetti kantselıarlyq taýarlardy tartý etti.
Aıta keteıik, jańa jyl túni Túrkistan oblysyndaǵy barlyq qala, aýdandyq polıtsııa basqarmalary men bólimderinde jalpy 150-ge tarta qyzmetker kezekshilikke tústi.
