Túrkistan oblysynda jańa jumys oryndary ashylýda

TÚRKІSTAN. QazAqparat - Túrkistan oblysynda «Jumyspen qamtýdyń jol kartasy» sheńberinde jańa jumys oryndary ashylyp jatyr, dep habarlaıdy QazAqparat.

Jumys izdegen jurt Jumyspen qamtý ortalyǵy arqyly eńbekpen qamtamasyz etilýde. Memlekettik baǵdarlama oblys basshylyǵynyń qatań baqylaýynda. Baǵdarlama aıasynda birqatar iri ınfraqurylymdyq nysannyń qurylysy júrgizilip jatyr.

Atap aıtqanda, Sozaq aýdany boıynsha 15 ınfraqurylymdyq joba iske asyrylýda. Nátıjesinde 83 jańa jumys oryndary qurylyp, 45 adam halyqty jumyspen qamtý ortalyqtary arqyly jumyspen qamtyldy nemese 107,1 paıyzǵa oryndalyp otyr.

Jumyspen qamtýdy úılestirý jáne áleýmettik baǵdarlamalar basqarmasynyń málimetinshe, ınfraqurylymdyq 8 joba aıasynda qurylys-jóndeý jumystary 90,7 paıyzǵa oryndalǵan. Aýdanda áleýmettik-mádenıet jáne ınfraqurylym nysandary men eldi mekenderdi abattandyrý jumystary iske asyrylýda. Atap aıtqanda, 4,2 shaqyrym jolǵa 103 baǵan jaryq shamdar ornatylyp, 1 shaqyrym aıaq jol jóndelip, asfalt tóselgen.

Jumyspen qamtylǵan azamattardyń eń tómengi jalaqysy 85 myń teńgeni qurady. Sondaı-aq, Jol kartasy boıynsha ınfraqurylymdyq jobalardy iske asyrý kezinde merdigerler qajetti sanıtarlyq–epıdemıologııalyq talaptardy saqtap, qyzmetkerler jeke qaýipsizdik quraldarymen qamtamasyz etilgen.

«Jumyspen qamtýdyń jol kartasy» memlekettik baǵdarlamasyn iske qosý – pandemııa kezinde jumyspen qamtý sharalarynyń biri. Basty maqsat – jumyssyzdyqqa jol bermeý jáne qosymsha jumys oryndaryn qurý.