Túrkistan oblysynda jańa temir jol baǵyttary ashylady
TÚRKІSTAN. QazAqparat - Jyl sońyna deıin «Túrkistan-Badam» jáne «Túrkistan-Saryaǵash» jańa temirjol baǵyttary iske qosylady, dep habarlaıdy QazAqparat oblys ákiminiń baspasóz qyzmetine silteme jasap.
Bul sharýalar Shymkent qalasynyń respýblıkalyq mártebe alýyna jáne Túrkistan oblysynyń qurylýyna baılanysty atqarylyp otyr. Bul týraly búgin Jolaýshylar kóligi jáne avtomobıl joldary basqarmasynyń basshysy Nurlan Baıǵut Óńirlik kommýnıkatsııalar qyzmetinde ótken baspasóz jıynynda málimdedi.
Onyń sózinshe, jalpy oblysta 2018 jyldyń 6 aıynda 577,6 mln jolaýshy tasymaldanǵan. Bul kórsetkish ótken jyldyń osy kezeńimen salystyrǵanda 1,6%-ǵa joǵary.
«Túrkistan oblysynda 44 tasymaldaýshy 1283 avtobýspen jolaýshylar tasymaldaý qyzmetin kórsetýde. Oblystaǵy turaqty baǵyttar jelisi 320 baǵyttaǵy 1081 kesteden turady. Shymkent qalasynyń respýblıkalyq mańyzy bar qala mártebesin alýyna baılanysty, oblystaǵy aýdanaralyq 115 baǵyttyń 91-i oblysaralyq bolyp ózgeredi. Oblysaralyq 39 baǵyttyń 13-niń bastapqy pýnkti Shymkent qalasy bolýyna baılanysty, bul baǵyttar Shymkent qalasy ákimdiginiń quzyryna berildi. Odan bólek, Shymkent qalasyndaǵy 26 tasymaldaýshy, 82 baǵyt, 1744 avtobýs, 1261 keste tikeleı Shymkent qalasy ákimdiginiń quzyrynda bolady», - dedi basqarma basshysy.
Qazirgi ýaqytta, Túrkistan qalasynan 5 aýdan ortalyǵyna - Kentaý, Arys, Sháýildir, Sholaqqorǵan, Myrzakentke tikeleı turaqty jolaýshylar tasymaly jumys istep tur. Aldaǵy ýaqytta oblystaǵy qalǵan aýdan ortalyqtaryna, atap aıtqanda Shardara, Jetisaı, Saryaǵash, Lengir qalalaryna jáne Abaı, Qazyǵurt, Temirlan, Aqsýkent, T.Rysqulov jáne Shaıanǵa Túrkistan qalasynan tikeleı turaqty baǵyttar ashý josparlanyp otyr.
Aıta keteıik, basqarmaǵa qarasty aýdanaralyq, oblysaralyq turaqty baǵyttarǵa qyzmet kórsetetin qoǵamdyq kólikter GPS júıesimen jabdyqtalǵan. Elbasy Jarlyǵyna sáıkes, Túrkistan qalasy oblys ortalyǵy bolýyna baılanysty, qalanyń kólik júıesin jan-jaqty damytý maqsatynda, qaladaǵy baǵyttarǵa elektrondy bılet júıesin 2018 jyldyń sońyna deıin ornatý josparlanyp otyr. Pılottyq joba retinde Túrkistan qalasyndaǵy bir baǵytqa elektrondy bılet júıesi 2018 jyldyń IІІ toqsanyna deıin testilenedi.
