Túrkistan oblysynda jańa dárigerlik ambýlatorııa ashyldy
TÚRKІSTAN. QazAqparat - Túrkistan oblysy ákimdiginiń qoldaýymen Saryaǵash aýdany, Qyzyljar aýyldyq okrýginde jańa dárigerlik ambýlatorııa paıdalanýǵa berildi, dep habarlaıdy QazAqparat óńir basshysynyń baspasóz qyzmetine silteme jasap.
Ashylý saltanatyna Túrkistan oblysy ákiminiń orynbasary Joldymurat Amanbaev, oblystyq qoǵamdyq densaýlyq basqarmasynyń basshysy Muqan Egizbaev pen aýdandyq bılik basshylary jáne jergilikti turǵyndar qatysty.
Aýdan ortalyǵynan 16 shaqyrym jerde ornalasqan aýyl okrýginiń burynǵy ǵımaraty tozyǵy jetip, eskirgen bolatyn. Al halyqqa dárigerlik kómek kórsetýge arnalǵan jańa emdeý-profılaktıkalyq mekemesi zamanaýı medıtsınalyq jabdyqpen tolyq qamtylǵan. Sonyń arqasynda jergilikti turǵyndar akýsherlik jáne juqpaly aýrýlarǵa arnalǵan fıltr bólmelerinde de em qabyldaı alady. Sondaı-aq tis dárigeri qyzmet kórsetetin bolady. Jańa emdeý mekemesinde qyryqqa jýyq medıtsına qyzmetkeri jumys isteıdi. Jalpy, Qyzyljar aýyldyq okrýginiń halyq sany jeti jarym myńnan asady. Ashylý saltanatyna arnaıy qatysqan aýyl turǵyndary, endi dertine daýa izdep alysqa taban tozdyrmaıtyndaryn aıtyp, alǵystaryn bildirdi.
