Túrkistan oblysynda jańa bosanǵan 10 myń áıel SMS arqyly qujat rásimdegen

TÚRKІSTAN. QazAqparat - Túrkistan oblysynda  jańa bosanǵan analar SMS arqyly qujat rásimdeýde. Qazir mundaı qyzmetti 10 myńnan asa kelinshek paıdalanyp otyr, dep habarlaıdy QazAqparat.

«Azamattarǵa arnalǵan úkimet» memlekettik korporatsııasy» KE AQ Túrkistan oblysy boıynsha fılıaly baspasóz qyzmetiniń habarlaýynsha,  qazir jergilikti turǵyndarǵa proaktıvti qyzmetti alý boıynsha túsindirme jumystary júrgizilip keledi. Sonyń nátıjesinde kórsetkish te ósken.

Sonymen qatar, mekeme mamandary tarapynan «Proaktıvti ómirdi tańda!» aktsııasy barysynda 400-den asa názik jandyǵa atalǵan qyzmet túri boıynsha keńes berildi. Arnaıy nusqaýlyǵy bar aqparattyq paraqshalar únemi taratylyp keledi. Budan ózge, telefon arqyly, shot nómiri arqyly járdemaqy rásimdeýge jáne balabaqsha kezegine turýǵa múmkindik bar.