Túrkistan oblysynda jalǵan órt sóndirýshiler dúkenderdi tonap kelgen
TÚRKІSTAN. QazAqparat - Túrkistan oblysynda eki adam alaıaqtyqpen aınalysyp, dúkenderdi tonap kelgen. Ózderin órt sóndirýshimiz dep tanystyrǵan olar úsh kásipkerdi aldap, aqsha alǵan, dep habarlaıdy QazAqparat tilshisi.
Túrkistan oblystyq PD baspasóz qyzmetiniń málimetinshe, qylmystyq oqıǵa ótken jyldyń 29 jeltoqsanynda Otyrar aýdanynda oryn alǵan.
«Otyrar aýdandyq PB-ne jergilikti kásipkerler aryzdandy. Olardyń aıtýynsha, belgisiz eki tulǵa ózderin Oblystyq órt qaýipsizdigi basqarmasynyń qyzmetkerimiz dep tanystyrǵan. Sóıtip arnaıy qurylǵylardyń kómegimen tekserý júrgizip jatyrmyz dep, alaıaqtyq jolmen aqshalaryn alyp ketken. Jedel izdestirý sharalarynyń barysynda aýdandyq polıtsııa bóliminiń qyzmetkerleri dúkenderdiń birinen eki kúdiktini ustady. Olar - Shymkent qalasy men Jambyl oblysynyń turǵyndary bolyp shyqty. Ustalǵandardyń biri shartty jazasyn ótep jatqan eken» delingen habarlamada.
Tergeý barysynda seziktilerdiń aýa tartqysh qubyrlardy tazalaıtyn fırmada jumys isteıtini anyqtaldy. Qazirgi tańda olardyń 3 alaıaqtyq deregine qatysy bary dáleldenip, Qylmystyq kodekstiń 190-baby («Alaıaqtyq») boıynsha sotqa deıin tergeý amaldary júrgizilýde. Polıtsııa qyzmetkerleri kúdiktilerden eshqaıda ketpeý týraly qolhat alynyp, bosatqanyn habarlady.
