Túrkistan oblysynda jalǵan dıplommen sabaq bergen 50-ge jýyq muǵalimge is qozǵaldy

TÚRKІSTAN. QazAqparat - Túrkistan oblysynda túpnusqasy joq qujatty paıdalanǵan 50-ge jýyq muǵalimge qylmystyq is qozǵaldy, dep habarlaıdy QazAqparat tilshisi.

Túrkistan oblysy polıtsııa departamentiniń óndirisinde Túrkistan oblystyq adamı áleýetti damytý departamenti júrgizgen tekserýdiń qorytyndysy boıynsha 10 qylmystyq is tergelip jatyr.

Onda túpnusqasy joq joǵary bilim dıplomyn paıdalanǵan 11 muǵalimge QR QK-niń 385-baby boıynsha aıyp taǵylǵan.

Onyń ishinde 5 is - mektep muǵalimderine qatysty bolsa, beseýi - balabaqsha tárbıeshileri.

Sonymen qatar Túrkistan, Saýran, Saryaǵash, Shardara aýdandyq polıtsııa bólimderinde QR QK 385-babymen 41 muǵalimge qatysty 12 qylmystyq is qozǵalǵan.

«Qazirgi tańda atalǵan qyzmetkerlerden tolyqqandy jaýaptar alynyp, qajetti sot-tehnıkalyq saraptamasy taǵaıyndaldy. Tergeý amaldary júrgizilip jatyr» delingen Túrkistan oblysy polıtsııa departamentiniń baspasóz qyzmetinen alynǵan málimette.

Aıta keteıik, munyń aldynda Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti preventsııa basqarmasy basshysynyń orynbasary Sábıt Ásilbek Túrkistan oblysynda 300-den astam muǵalimniń dıplomy talapqa saı emestigin aıtqan bolatyn.