Túrkistan oblysynda zańsyz jolaýshy tasymalyna qatysty 12 hattama toltyryldy
TÚRKІSTAN. QazAqparat - Túrkistan oblysynda zańsyz jolaýshylar tasymalyna tosqaýyl qoıý maqsatynda kezekti reıdtik is-sharalar Ordabasy aýdany jáne Túrkistan qalasynda ótti, dep habarlaıdy QazAqparat oblys ákiminiń baspasóz qyzmetine silteme jasap.
«Birlesken reıdtik sharalardy oblystyq Jolaýshylar kóligi jáne avtomobıl joldary basqarmasynyń uıymdastyrdy. Oǵan Ordabasy aýdany jáne Túrkistan qalasynyń jolaýshylar kóligi jáne avtomobıl joldary bóliminiń qyzmetkerleri qatysty. Sondaı-aq, sharaǵa Túrkistan oblysynyń Kóliktik baqylaý ınspektsııasy men Túrkistan oblysynyń polıtsııa qyzmetkerleri de atsalysty», delingen habarlamada.
Ótkizilgen reıd nátıjesinde QR «Ákimshilik quqyq buzýshylyq týraly» kodeksine sáıkes, jolaýshylar kóligine qatysty 12 hattama jasaldy. Sonymen qatar, jolaýshylar tasymalymen aınalasatyn kólik júrgizýshilerine túsindirme jumystary júrgizildi.
