Túrkistan oblysynda zańsyz jolaýshy tasymalyna qarsy reıd ótti
TÚRKІSTAN.QazAqparat - Túrkistan oblysynyń ákimi Janseıit Túımebaevtyń tapsyrmasyna sáıkes, zańsyz jolaýshylar tasymalyna tosqaýyl qoıý maqsatynda reıdtik shara ótti. Oblystyq Jolaýshylar kóligi jáne avtomobıl joldary basqarmasynyń uıymdastyrýmen ótken sharaǵa quzyrly organdarmen birge PD Jergilikti polıtsııasy, kóliktik baqylaý ınspektsııasy qyzmetkerleri qatysty, dep habarlaıdy QazAqparat tilshisi.
Saryaǵash, Jetisaı, Maqtaaral aýdandarynda ótken reıd kezinde jolaýylar tasymaly erejelerin buzǵan birneshe taksı júrgizýshileri anyqtaldy. Shara nátıjesinde, Qazaqstan Respýblıkasynyń «Ákimshilik quqyq buzýshylyq týraly» Kodeksine sáıkes, qoǵamdyq kólikterge qatysty 12 hattama túzildi. Bekitilgen jumysshy top tarapynan jergilikti ákimdikke jeńil taksı kólikterine arnaıy turaq uıymdastyryp, zańsyz jolaýshylar tasymalymen aınalysatyn kólik ıeleriniń habarlamalaryn tirkeý tapsyryldy. Sondaı-aq, qysqa merzim ishinde barlyq jolaýshylar kóligimen aınalysatyn kólikterdiń jumysyn zańdastyrý júkteldi.
Aldaǵy ýaqytta aýdan, qala ákimdikterinde zańsyz jolaýshylar tasymalyna tosqaýyl qoıý maqsatyndaǵy jumystar turaqty júrgiziletin bolyp sheshildi.
