Túrkistan oblysynda zańsyz sýbsıdııa alǵan sharýa 3 jylǵa bas bostandyǵynan aıyryldy

TÚRKІSTAN. QazAqparat - Túrkistan oblysynyń turǵyny memlekettik sýbsıdııany zańsyz ıelengeni úshin sottaldy, dep habarlaıdy QazAqparat.

Aqsha alaıaqtyǵy zańsyz áreketke jatady.

Alaıaqtar aldaý, jalǵan qujattar usyný arqyly áleýmettik, aýyl sharýashylyǵy jáne basqa da salalardy damytý úshin memleket bólgen qarajatty ıelenedi.

Qarjylyq monıtorıng agenttiginiń Túrkistan oblysy boıynsha aýmaqtyq departamentiniń qyzmetkerleri alaıaqtyq áreketter jasaǵan «Oısyl-Qara» JShS basshysyna qatysty sotqa deıingi tergeýdi aıaqtady.

Azamat N.Kenegesov 2018-2020 jyldar aralyǵynda Túrkistan oblysy ákimdiginiń aýyl sharýashylyǵy basqarmasyna aýyl sharýashylyǵy daqyldaryn egý týraly jalǵan málimetter men qujattar usynǵan.

Osylaısha, tyńaıtqysh satyp alýǵa zańsyz 4,7 mıllıon teńge sýbsıdııa alǵan.

N.Kenegesov 3 jylǵa sottaldy.