Túrkistan oblysynda zańsyz qarý men oq-dári saqtaǵany úshin 4 azamat ustaldy
TÚRKІSTAN. QazAqparat - Túrkistan oblystyq PD Krımınaldy polıtsııa basqarmasynyń qyzmetkerleri jedel-aldyn alý is sharasy kóleminde zańsyz atys qarýyn saqtaý deregin anyqtady. Jergilikti 4 turǵyn zańsyz qarý men oq-dári saqtaǵany úshin ustaldy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, jedel-izdestirý sharasy barysynda Shymkent qalasyndaǵy páterlerdiń birinen qarý-jaraq tabylǵan. Jedel ýákilder Túrkistan oblysy turǵyndarynan eki dana kesilgen sholaq myltyq pen gılzany taýyp, tárkiledi. Polıtsııa bólimine ustalǵandar bolǵan mán-jaıdy anyqtaý úshin jetkizildi. Qazirgi tańda kúdiktilerdiń qandaı maqsatta ózderinde atys qarýyn saqtaǵandyǵy tekserilip, sotqa deıingi tergeý amaldary júrgizilýde.
Atalǵan derek QR QK-niń 287 «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» baby boıynsha SDTBT tirkeýge alyndy. Saraptama taǵaıyndalyp, kúdiktiler qamaýǵa alyndy.
