Túrkistan oblysynda volonterler men kásipkerler aýrýhanalarǵa kómek kórsetýde

TÚRKІSTAN . QazAqparat – Túrkistan oblysynda eriktiler men kásipkerler aýrýhanalarǵa kómek kórsetýde. Óńirdiń isker azamattary jasandy tynys alý aparattaryn alyp berip, ottegi balondaryn jetkizip berp jatyr, dep habarlaıdy QazAqparat tilshisi.

Keles aýdanynda kásipker Baıbek Qonysbaev «Abaı» Keles aýdandyq aýrýhanasyna 25 ottegi (kıslarod) ballonyn tartý etti. Qoshqarata aýyldyq okrýginiń turǵyny elde qıyndyq týyndaǵan kezeńde qolushyn berý ár azamattyń adamı boryshy ekenin aıtady.

Atalǵan aýrýhananyń bas dárigeriniń málimetinshe, búgingi tańda indettiń taraýy birshama báseńsigen. Oǵan sebep, turǵyndar arasynda túsindirý jumystarynyń sátti júrýi men demeýshiler tarapynan kórsetilip jatqan qoldaý. Al, Arys qalasynyń meshit qyzmetkerleri birlesip, qalalyq aýrýhanalardy 40 dana ottegi ballonymen qamtamasyz etti. Іzgilik pen parasattylyq, taza nıet pen adamgershilik synǵa túsken ýaqytta jasalǵan ımamdardyń qaıyrymdylyq isteri áli de jalǵasyn tappaq.