Túrkistan oblysynda voleıboldan halyqaralyq «Dostyq» týrnıri ótti

Jarystyń ashylý saltanatyna Saıram aýdanynyń ákimi men oblystyq dene shynyqtyrý jáne sport basqarmasynyń basshylyǵy, halyqaralyq dárejedegi sport sheberleri men máslıhat depýtattary, Túrkistan oblystyq «Qoǵamdyq kelisim» KMM basshysylyǵy men BAQ ókilderi qatysty, dep habarlaıdy QazAqparat tilshisi.

Bıyl ekinshi ret uıymdastyrylǵan sporttyq sharaǵa Qyrǵyzstan jáne Ózbekstan Respýblıkalarynan, Almaty oblysy men Taraz qalasy, Saıram jáne Qazyǵurt aýdandarynyń kásibı oıynshylarynan quralǵan 6 komanda baq synady.

Túrkistan oblystyq ózbek etnomádenı birlestiginiń qoldaýymen ótken sporttyq saıys eki kúnge jalǵasty. Týrnır barysynda úzdik nátıje kórsetken komanda Almaty oblysynan kelgen «Býravestnık» voleıbol komandasy boldy. Birinshi oryn alǵan komandaǵa qarjylaı 500 myń teńge kóleminde syılyq berildi. Al, ekinshi orynǵa Túrkistan oblysynan kelgen «Qarabulaq» komandasy turaqtady. Júldeli úshinshi oryndy Qazyǵurt aýdanynan kelgen «Dınamo» komandasy jeńip aldy.

Saıysqa qatysqan ózge de komandalar men olardyń jattyqtyrýshylaryna ártúrli nomınatsııalar boıynsha qarjylaı syılyqtar men sertıfıkattar tabystaldy.