Túrkistan oblysynda voleıboldan áıelder komandasy qurylady
TÚRІSTAN. QazAqparat - Túrkistan oblysynda alǵash ret voleıboldan áıelder komandasy jasaqtalady. Bul týraly Túrkistan qalasyndaǵy «Balýan Sholaq» sport kesheninde oblys ákiminiń orynbasary Meıirjan Myrzalıev pen voleıbol federatsııasy basshylyǵynyń qatysýymen ótken jıynda málim boldy.
Jıynda Túrkistan oblysynyń aýdandary, Shymkent pen Almaty qalalary jáne Almaty oblysynan kelgen áleýetti sportshy qyzdarymen kezdesip, irikteý ótkizildi. Atalmysh irikteý sáýir aıynyń sońyna deıin jalǵaspaq, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
«Mamyr aıynda biz óte myqty sportshy qyzdardyń voleıbol komandasyn quraı alatynymyzǵa senimdimin. Aldaǵy ýaqytta biz jas sportshylarymyzdyń respýblıkalyq jáne halyqaralyq birinshilikterge qatysyp, bıik belesterdi baǵyndyrýyna barynsha qoldaý kórsetetin bolamyz» , – dedi Federatsııa prezıdenti M. Myrzalıev.
Jıynǵa qatysýshylar barlyq jastardy salaýatty ómir saltyn nasıhattaı otyryp, elimizde voleıbol sportyn, onyń ishinde áıelder sporty deńgeıin joǵarylatýǵa jáne damytýǵa óz úlesterin qosýǵa shaqyrdy.
