Túrkistan oblysynda vırýs juqtyrǵan úsh adam Nur-Sultannan kelgen áıelmen baılanysta bolǵan
TÚRKІSTAN. QazAqparat – Túrkistan oblysynda indet juqtyrǵan úsh adam Nur-Sultan qalasynan kelgen áıelmen qarym-qatynasta bolǵany anyqtaldy. Bul týraly oblys ákiminiń orynbasary Sáken Qalqamanov Facebook paraqshasynda jarııalady, dep habarlaıdy QazAqparat.
Sáken Qalqamanovtyń aıtýynsha, óńirde búgin koronavırýs juqtyrǵan taǵy tórt adamnyń turǵylyqty jeri belgili boldy.
«Úsh adam Nur-Sultan qalasynan kelgen áıelmen jaqyn qarym-qatynasta bolǵan. Al, besinshi naýqas Almaty qalasynan kelgen. Osy jaǵdaıǵa qatysty ózge málimetterdi onlaın brıfıngte aıtatyn bolamyz», delingen habarlamada.
Aıta keteıik, keshe Túrkistan oblysynda bir adamnyń indet juqtyrǵany anyqtalǵan. Ol 23 naýryz kúni Pavlodar-Qyzylorda baǵytyndaǵy poezben kelgen Jetisaı aýdanynyń turǵyny bolyp shyqty. Ol, 27 naýryzda qyzýy kóterilip, aýrýhanaǵa 30 naýryz kúni qaralǵan. Ázirge anyqtalǵany - naýqaspen 16 adam qarym-qatynasta bolǵan. 5 adam Nur-Sultan qalasynda baılanysta bolsa, 11 adam Jetisaı qalasynyń turǵyndary ekeni rastaldy.
