Túrkistan oblysynda vaktsına salatyn 80 oryn uıymdastyryldy
TÚRKІSTAN. QazAqparat - Túrkistan oblysynda jappaı vaktsınatsııa bastaldy. Osy oraıda, koronavırýsqa qarsy vaktsına saldyrý pýnktteriniń sany artty, dep habarlaıdy QazAqparat Turkistan oblysy ákiminiń baspasóz qyzmetine silteme jasap.
Buǵan deıin oblys boıynsha 50 medıtsına mekemesinde ınfektsııaǵa qarsy vaktsınatsııa jumystary júrgizilip kelse, qazir vaktsına egý oryndarynyń sany 80-nen asty. Al, Túrkistan qalasynda 1-den 10-ǵa deıin kóbeıdi. Egý oryndary barlyq qajetti zattarmen qamtamasyz etilgen jáne sanıtarlyq talaptarǵa sáıkes keledi.
Óńirge taǵy 10 myń doza SPÝTNIK-V vaktsınasy jetkizildi. Qaterli vırýsqa qarsy ekpeni 24 myńǵa jýyq adam qabyldady. Onyń 14 538 medıtsına qyzmetkeri bolsa, 6700 pedagog pen 621-i polıtsııa qyzmetkeri. Budan bólek ózge toptaǵylar – 668. Oblysta 22 aqpannan bastap ekinshi komponentpen (revaktsınatsııa) 10 415 adam vaktsına saldyrdy. Ekinshi ret medıtsına mamandary 8496, muǵalimder 1465 bolsa, quqyq qorǵaý organdarynyń ókilderi 347, ózgeleri 29.
Sońǵy táýlikte Túrkistan oblysynda 23 adamnan COVID-19 vırýsy anyqtaldy. Táýliktik ósim 0,49 % quraıdy. Jalpy oblysta pandemııa beleń alaǵaly 592 374 PTR- synamalary alynǵan. Al, sońǵy táýlikte zerthanalarda 3233 adam tekserildi. Juqpaly aýrýlar aýrýhanasynda barlyǵy 610 oryn bar, olardyń 357-si bos.
Túrkistan oblysyna qarasty vaktsına saqtaıtyn qoımaǵa kólemi 601 lıtr quraıtyn 2 muzdatqysh jetkizildi. Sonymen qatar, oblystyq bıýdjet esebinen kólemi 143 lıtr quraıtyn 20 muzdatqysh jetkizildi. Vaktsınatsııa júrgizýge arnalǵan 65 pýnktter tolyq tońazytqyshpen jabdyqtalǵan. Budan bólek, vaktsınany tasymaldaıtyn kólemi 50 lıtr quraıtyn 38 termokonteıner bar.
