Túrkistan oblysynda vaktsına alǵandar sany jarty mıllıonnan asty

TÚRKІSTAN. QazAqparat - Túrkistan oblysynda 518 100 adam COVID-19 indetine qarsy vaktsına saldyrǵan, dep habarlaıdy QazAqparat oblys ákiminiń baspasóz qyzmetine silteme jasap.

Sońǵy táýlikte 11 070 adam ekpe qabyldaǵan. Oblysta 22 aqpannan bastap ekinshi komponentpen (revaktsınatsııa) 363 100 adam vaktsına saldyrdy.

Túrkistan oblysynyń 2088 turǵyny otandyq QazVac-ty ektirgen.

Búginde oblys turǵyndary Spýtnık-V, QazVac, Hayat Vax jáne qytaılyq CoronaVac vaktsınalaryn qabyldaı alady.

Sońǵy táýlikte Túrkistan oblysynda 77 adamda COVID-19 indeti anyqtaldy. Táýliktik ósim - 1,02 %. Oblysta 846 038 PTR synama alynǵan.

Al, sońǵy táýlikte zerthanalarda 1504 adam tekserildi.

Juqpaly aýrýlar aýrýhanasynda barlyǵy 1200 oryn bar, onyń 570-i bos.

Jalpy, pandemııa bastalǵaly Covid-19 ınfektsııasy rastalǵan 7554 jaǵdaı tirkeldi.

Onyń 4773-de aýrý sımptomsyz ótken bolatyn.