Túrkistan oblysynda uıaly telefon arqyly aqsha tonaǵandar ustaldy
TÚRKІSTAN. QazAqparat - Túrkistan oblysynda polıtsııa qyzmetkerleri jergilikti turǵyndardy áleýmettik jeli arqyly aldap, alaıaqtyqpen aınalysqan kúdiktini ustady. Ol telefon arqyly jábirlenýshilerdiń jarty mıllıon teńgege deıin aqshasyn urlaǵan, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, oblys turǵyndarynyń biri polıtsııaǵa aryzdanyp kelgen. Ol óz aryzynda belgisiz tulǵanyń uıaly telefonyn surap, jeke málimetterin bilip alǵanyn kórsetken. Sóıtip shotynan 200 myńnan astam teńgesin qoldy etken.
Jedel-izdestirý sharalary barysynda osy qylmysqa qatysy bar degen kúdikti ustalǵan. Tekserý kezinde ol jábirlenýshilerdiń atynan nesıe rásimdep, aldaýmen aınalysqanyn moıyndaǵan. Osylaısha sezikti azamattardyń senimine kirý arqyly 3 ret alaıaqtyq jasaǵan bolyp shyqty.
Polıtsııa qyzmetkerleri sondaı-aq alaıaqtyq boıynsha 2 jaıtqa qatysy bar degen kúdikpen Ordabasy aýdanynyń turǵynyn qolǵa túsirdi. Alaıaq áıel de jábirlenýshilerdiń jeke málimetterin paıdalanyp, áleýmettik jeli arqyly onlaın-nesıe rásimdegen. Keltirilgen shyǵynnyń jalpy somasy shamamen 200 myń teńgeni qurap otyr.
Qazirgi tańda, Qylmystyq kodekstiń 190-baby men «alaıaqtyq» boıynsha is ozǵalyp, sotqa deıingi tergep-tekserý amaldary júrgizilýde.
