Túrkistan oblysynda úı malyna jaryq shaǵylysatyn alqa taǵylady
SOZAQ. QazAqparat - Túrkistan oblysy, Sozaq aýdanynda budan bylaı úı malyna jaryq shaǵylystyratyn alqa taǵylatyn bolady. Sebebi, kún bata kólik ıeleri jol boıynda jaıylyp júrgen tórt túlikti qaǵyp ketý jaǵdaıy jıilegen, dep habarlaıdy QazAqparat tilshisi.
Sala mamandarynyń sózinshe, jaryq shaǵylystyratyn alqanyń arqasynda júrgizýshiler maldy 400 metr jerden baıqaı alady. Bul sharalar «Mal – jan Aman» aktsııasy aıasynda uıymdastyrylyp otyr.
Jol qozǵalysy qaýipsizdigin arttyrý maqsatynda aýdan ákimdigi uıymdastyrǵan sharaǵa «Qazatomónerkásip» UAK» AQ demeýshilik jasaǵan. Kompanııa óteýsiz negizde 15 myńǵa jýyq jaryq shaǵylystyrǵysh taspalardy berip otyr. Osyǵan oraı jergilikti turǵyndardyń qatysýymen jınalys ótip, onda sóz alǵan Sozaq aýdanynyń ákimi Salyhan Polatov túngi ýaqytta jolǵa maldyń shyǵyp ketýinen oqys oqıǵalar da jıi oryn alyp otyrǵanyn atap ótti. Turǵyndar óz taraptarynan qaýipsizdik sharasyna múddeli ekenderin tanytyp, aldaǵy ýaqytta saqtyq sharalaryn eskeretinin jetkizdi.
