Túrkistan oblysynda úshem dúnıege keldi
Túrkistan oblysynyń №2 oblystyq perınataldyq ortalyǵynda úshem dúnıege keldi. Báıdibek aýdanynyń turǵyny 2 perzentinen soń, 3 ul bosanyp, batyr ana atandy.
Jańa týǵan nárestelerge Arslan, Alıhan, Asylhan esimderi berildi. Olardyń salmaǵy 1290 gr, 1230 gr jáne 1115 gr. Merziminen erte dúnıege kelgen úshem perınataldyq ortalyq dárigerleriniń baqylaýyna alynǵan. Medıtsına qyzmetkerleri ana men balalaryna kómek kórsetip, tıisti sharalardy qabyldady. Balalardyń jaǵdaıy jaqsy.
Búgin perınataldyq ortalyqtyń medıtsına qyzmetkerleri anasy men nárestelerge myqty densaýlyq tilep, úıine shyǵaryp saldy.
Aıta keteıik, bul jyl basynan beri Túrkistan oblysynda dúnıege kelgen úshinshi úshem. Budan aldyn Saryaǵash jáne Túrkistan qalasynyń turǵyndary ómirge úshem alyp kelgenin jazǵan bolatynbyz.
