Túrkistan oblysynda úsh jasar qyz sýǵa aǵyp ketti
NUR-SULTAN. QazAqparat – Túrkistan oblysynda úsh jasar qyz aryqqa batyp ketti, dep habarlaıdy QazAqparat tilshisi QR ІІM TJK baspasóz qyzmetine silteme jasap.
12 shilde kúni saǵat 22:30-da Túrkistan oblysy Keles aýdany Qyzylásker aýylynda jeke úıge jaqyn mańda eresekterdiń qaraýynsyz qalǵan 2016 jylǵy búldirshin sý aǵatyn aryqqa qulap túsip, batyp ketti.
«Qurmetti azamattar, ata-analar! Balalardy qaraýsyz qaldyrmańyzdar. Sý aıdyndarynda, jolda, úıde balalardyń júris-turysyn qadaǵalap, olarǵa qaýipsizdik erejelerin úıretińizder. Qas-qaǵym sátte olardy jalǵyz qaldyrsańyzdar, ómirlerine qaýip tónýi múmkin», - dep eskertti TJK.
Avtor: Aqbota Kúzekbaı
