Túrkistan oblysynda urlanǵan 50 bas mal ıelerine qaıtaryldy

TÚRKІSTAN. QazAqparat - Túrkistan oblysy «Mal urysy» jedel aldyn alý sharasy barysynda polıtsııa qyzmetkerleri 10 qylmysty ashty. Urlanǵan 50-den astam mal ıelerine qaıtaryldy, dep habarlaıdy QazAqparat tilshisi.

Máselen, jedel-izdestirý sharalary barysynda tártip saqshylary Báıdibek aýdanynan mal urysyn ustady. Ol urlaǵan úsh qoıdy satyp, túsken aqshany óz qajettiligine jumsaǵan. Qazirgi ýaqytta kúdiktige qatysty Qylmystyq kodekstiń 188-1-baby «Mal urlyǵy» boıynsha sotqa deıingi tergeý júrgizilip, jınalǵan materıaldar zańdy sheshim qabyldaý úshin sotqa joldandy.

Sondaı-aq, «Mal urysy» jedel aldyn alý is-sharasy kezinde tártip saqshylary 16 jergilikti turǵynnyń joǵalǵan qoılaryn jaıylymnan taýyp bergen.