Túrkistan oblysynda ulttyq sport túrlerinen jarys ótti
Atalǵan sporttyq saıys Túrkistan oblysy qoǵamdyq damý basqarmasy «Qoǵamdyq kelisim» KMM-niń qoldaýymen uıymdastyryldy.
Ulttyq sportty ulyqtaǵan dodaǵa Saýran, Saıram, Túlkibas, Tólebı, Kentaý, Jetisaı, Maqtaaral, Keles, Saryaǵash aýdandarynyń etnos jastarynan quralǵan komandalar qatysty. Onda jastar ulttyq oıyndardyń 8 túrinen, atap aıtqanda, qazaq kúresi, qol kúres, sadaq atý, asyq atý, qoshqar kóterý, arqan tartý, toǵyzqumalaq, láńgi tebýden baq synady.
Aýqymdy sporttyq sharanyń saltanatty ashylýynda Saıram aýdany ákiminiń orynbasary Madııar Orazalıev sóz sóıledi.
«Qazaq halqy ulttyq oıyndarǵa baı halyq. Kúni keshe Túrkııada ótken Dúnıejúzilik kóshpendiler saıysynda Qazaqstan qurama sapynda óner kórsetken jerlesterimiz ulttyq sporttyń týyn jyqpaı, aıtýly jeńisterge qol jetkizdi. Taıaýda qazaq kúresinen Saıramda «Ońtústik Qazaqstan« oblystyq qoǵamdyq-saıası gazetiniń júldesine arnalǵan týrnır ótip, túıe palýany anyqtaldy» - dedi M. Orazalıev.
Saıys nátıjesinde qazaq kúresinen Jetisaı aýdanynan kelgen Abdýlla Nýrov «Túıe balýan» atandy.
Sadaq tartý saıysynda Kentaý qalasynan kelgen Dılnýr Nasırýllaev chempıon boldy. Al 2 oryndy Keles aýdanynan Orazbaı Abrar, 3 oryndy Maqtaral aýdanynan Alpamys Kamalov ıelendi. Qol kúresten túlkibastyq Toırat Kasımov úzdik shyqty. Saıramdyq Ýlýgbek Nıshantaev ekinshi, saýrandyq Zıkýrolloh ıÝnýsov úshinshi orynǵa ıe boldy. Asyq atýdan saýrandyq Samandar Abdrahmanov jeńimpaz atandy. 2 oryn kentaýlyq Bekzod ıÝldashevqa, 3 oryn túlkibastyq Islam Elnýrǵa buıyrdy.
Qoshqar kóterý saıysta qoshqardy 50 ret kótergen saıramdyq Mýhamedalı Saıdazımov jeńimpaz atandy. 2 orynǵa 36 ret kótergen kelestik Aqylbek ıÝnýskýlov, 3 orynǵa 31 ret kótergen túlkibastyq Sýleıman Mýrgýshevqa buıyrdy. Arqan tartýdan Túlkibas aýdany top jardy. Al, 2 oryndy Tóle bı aýdanynyń quramasy, 3 oryndy Kentaý qalasynyń komandasy jeńip aldy.
Sondaı-aq toǵyzqumalaqtan saıramdyq Sarvınaz Irsıtaeva 1 oryndy jeńip alsa, 2 oryndy kentaýlyq Ramazan Badırov, 3 oryndy saýrandyq Tórehan Mahıbýlla enshiledi. Láńgi tebýden saýrandyq Ilııas Mýradýlla qarsylas shydatpaı, úzdik atandy. Al 2 orynǵa maqtaraldyq Alıjan Alısýltanov, 3 orynǵa saıramdyq Sýnnat Beknııazov laıyq dep tanyldy.
Bul saıys aldaǵy ýaqytta da jalǵasady dep josparlanýda.
