Túrkistan oblysynda týysynyń atynan nesıe rásimdegen alaıaq ustaldy
Biraz ýaqyt ótken soń bereshekteri kóbeıip, bankten habar kelgende, jábirlenýshi tez arada tártip saqshylarynan mán-jaıdy anyqtaýǵa kómek berýlerin suraǵan. Atalǵan jaıt SDTTBT-ne engizilip, QR QK-niń 190-baby («Alaıaqtyq) boıynsha tirkeldi.
Aryzdanýshynyń shaǵymyna sáıkes, oryn alǵan alaıaqtyq qylmysyn ashyp, kúdiktini anyqtaý maqsatynda Túrkistan QPB polıtseıleri qajetti is-sharalardy júrgizdi. Tekserý jumystary nátıjesinde, polıtseıler osy qylmysqa qatysty kúdiktini anyqtap, ony turǵylyqty mekenjaıynan ustady. Ol jábirlenýshiniń tanysy bolyp shyqty.
Tergeý barysynda anyqtalǵandaı, kúdikti azamat qońyraý soǵý úshin jábirlenýshiden uıaly telefon suraǵan. Sodan kúdikti azamatqa jábirlenýshi áıel telefonyn beredi. Alaıda kúdiktiniń maqsaty basqa bolyp shyqty. Ol óz aram oıyn júzege asyrý úshin túrli ádispen, ózgeniń atynan nesıe rásimdegeni belgili boldy. Kúdikti óz kinásin tolyq moıyndap otyr. Kúdiktiniń bas sharasy «qolhatta». Buryn sotty bolǵan. Qazirgi tańda sotqa deıingi tergeý amaldary júrgizilýde. Polıtseıler oqıǵanyń tolyq mán-jaıyn anyqtaýda.