Túrkistan oblysynda Túrkııanyń azamaty iz-tússiz joǵalyp ketken

TÚRKІSTAN. QazAqparat - Túrkistan oblysynyń polıtseıleri iz-túzsiz joǵalyp ketken Túrkııa azamatyn tapty, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, sheteldik azamatty izdep tappaǵan jerlesteri onyń joǵalǵany týraly Báıdibek aýdandyq polıtsııa bólimine aryzdanǵan. Belgili qurylys fırmasynyń jumysshysy tártip saqshylaryna Topal Ibrahımniń Mıttsýbısı markaly avtokóligimen Shymkenttegi áýejaıǵa baryp kelemin dep, iz-tússiz joǵalyp ketkenin kórsetken.

«Báıdibek APB-nyń jeke quramy joǵalǵan azamatty tabý maqsatynda jedel izdestirý sharalaryn júrgizgen. Nátıjesinde 36 jastaǵy túrkııalyq azamat tabylyp, týystaryna tabystalǵan. Ol óziniń qaıtar jolda adasyp ketkenin jetkizgen. Áriptesterimen aman-esen qaýyshqan sheteldikter aýdandyq polıtsııa qyzmetkerlerine alǵystaryn bildirdi», - delingen habarlamada.