Túrkistan oblysynda «Túrkistandyqtar saqtyqqa shaqyrady» ekochellendji bastaldy
TÚRKІSAN. QazAqparat - Qazaqstan Respýblıkasynyń Prezıdenti Qasym-Jomart Toqaev COVID-19 koronavırýsynan azamattardyń ómiri men densaýlyǵyn qorǵaý maqsatynda Qazaqstan Respýblıkasynyń búkil aýmaǵynda tótenshe jaǵdaı jarııalaý jónindegi Jarlyqqa qol qoıdy.
Osy Jarlyqty júzege asyrý jáne aty shýly indettiń taralýyna tosqaýyl qoıý maqsatynda Túrkistan oblysynda da tıisti sharalar qabyldanyp, jumystar atqarylýda, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Osyǵan qaraı, oblystyń zııaly qaýym ókilderi de halyq arasyndaǵy alyp-qashpa áńgimelerge senbeı, barynsha saqtyq sharalaryn oryndap, synaqqa sabyrlylyq tanytýǵa shaqyrdy.
Jazýshy, Halyqaralyq «Alash» ádebı syılyǵynyń ıegeri Marhabat Baıǵut: «Dúnıeni dúrliktergen dertten biz qazaqy minezimizben, shydamdylyǵymyzben, ejelden dástúr bolǵan yntymaq, birligimiz arqyly shyǵa alamyz. Sondyqtan barshańyzdy judyryqtaı jumylyp, tıisti mindettemelerdi birge atqarýǵa shaqyramyn», - dep saqtyq sharalaryn jasaýda nemquraılylyq tanytpaýǵa úndedi.
«Qazirgi tańda bizdiń óńirde aýyr dertke tosqaýyl qoıý sharalary tıisti deńgeıde atqarylýda. Q.A.ıAsaýı atyndaǵy HQTÝ stýdentteri túgeldeı óz úılerine qaıtarylyp, qashyqtyqtan oqytý júıesine qosyldy. Árbir turǵyn, árbir qazaqstandyq óz deńgeıinde saqtyq sharalarynyń oryndalýyna mán berse, bul synaqty da artqa tastaımyz», - degen professor Bekjigit Serdáli engizilgen shekteýlerge qarsylyq tanytpaýdy surady.
«Osy dert tóńiregindegi jalǵan aqparattar, arandatýshylyq sıpattaǵy áreketter kóptep taraýda. Dál osyndaı kezeńde tek resmı aqparattarǵa senip, naǵyz mamandardyń ǵana keńesine qulaq asýymyz kerek. Bul - dertten aman qalýdyń alǵysharttarynyń biri», - dedi Respýblıkalyq «Aıqyn» gazetiniń Túrkistan oblysyndaǵy menshikti tilshisi Telman Beısen.
Saıram aýdandyq ardagerler keńesiniń tóraǵasy Baınazar Álibek: «Jahandy jaılaǵan koronavırýs indetine ózimizdiń ishki ımmýnıtetimizdi kúsheıtý arqyly ǵana qarsy tura alamyz. Sondyqtan, dúrligýge jol bermeı, barynsha saqtyq sharalaryn saqtaıyq»,- dep tótenshe jaǵdaı kezinde toı-tomalaq, otbasylyq jıyndardan ýaqytsha bas tartý kerektigin jetkizdi.
