Túrkistan oblysynda turǵyndar polıtseılerge avtourylar tobyn ustaýǵa kómektesti
ASTANA. QazAqparat - 29 tamyzǵa qaraǵan túnde Saıram AІІB «102» nómirine eki jergilikti turǵynnan habarlama túsken, onda olar kóshede turǵan júk kóliginen akkýmýlıator urlaǵan belgisiz tulǵalar tobyn baıqaǵany týraly baıandaǵan, dep habarlaıdy Túrkistan oblysy ІІD baspasóz qyzmeti.
Jastar polıtseılerge kúdiktilerdiń erekshe belgileri men jasyrynǵan avtokólikterin sıpattap bergen.
Kúdiktilerdi ustaýǵa birden Saıram AІІB men jergilikti polıtsııa qyzmetiniń jeke quramy jiberildi. Jedel-izdestirý is-sharalary nátıjesinde Saıram AІІB qyzmetkerleri oblystaǵy joldardyń birinde kúdiktiler bar avtokólikti ustady. Ustalǵandar Shymkent qalasynyń úsh turǵyny bolyp shyqty, olardyń júk salǵyshtarynan urlanǵan akkýmýlıatorlar anyqtaldy.
Qazirgi tańda tergeý barysynda kúdiktilerdiń akkýmýlıator urlyǵynyń 14 jaıtyna qatysy bary rastaldy. Jábirlenýshige keltirilgen jalpy shyǵyn kólemi shamamen mıllıon teńgeni qurady. Atalǵan jaıttar boıynsha QR QK «Urlyq» babymen sotqa deıingi tergeý amaldary júrgizilýde.
Óz kezeginde Saıram AІІB basshylyǵy akkýmýlıator urylaryn ustaýda qyraǵylyq tanytyp, kómek kórsetkenderi úshin eki jergilikti turǵynǵa alǵys bildirip, saltanatty túrde gramota jáne baǵaly syılyqtarmen marapattady.
