Túrkistan oblysynda turǵyn úı órtenip, 13 jasar eki bala qaza tapty
TÚRKІSTAN. QazAqparat - Túrkistan oblysynda jeke turǵyn úı órtenip, 13 jasar eki bala qaza tapty, dep habarlaıdy QazAqparat tilshisi.
Oqıǵa Saýran aýdany Babaıqorǵan aýylynda bolǵan. Sh. Qaldaıaqov kóshesinde ornalasqan eki qabatty jeke turǵyn úı órtenip, jalyn 180 sharshy metrdi sharpydy. Birinshi qabattyń tóbesi opyrylyp, qulap túsken. Oqıǵa ornynan 13 jasqa endi tolǵan eki jasóspirimniń denesi tabyldy.
Órtti sóndirýge tótenshe jaǵdaı departamentiniń 24 qyzmetkeri men 7 tehnıkasy, polıtsııa departamentiniń 9 qyzmetkeri men 3 tehnıkasy jumyldyryldy.
