Túrkistan oblysynda «Turan» fýtbol komandasy quryldy
TÚRKІSTAN. QazAqparat - Túrkistan oblysynyń jańa «Turan» komandasy quryldy. Oblys əkimi Ómirzaq Shókeevtiń bastamasymen jasaqtalǵan bul komanda otandyq fýtboldyń damýyna úlesin qosatyn bolady, dep habarlaıdy QazAqparat óńir basshysynyń resmı saıtyna silteme jasap.
Fýtboldan Qazaqstan chempıonatynyń Premer-lıga oıyndaryna joldama alǵan komanda jańa maýsymǵa jan-jaqty daıyndalýda. Bul týraly oblys ákiminiń orynbasary Sáken Qalqamanov Óńirlik kommýnıkatsııalar qyzmetinde ótken brıfıngte málimdedi.
«QR Fýtbol federatsııasynyń Atqarýshy komıteti kezekti otyrysta Premer-Lıgada oınaıtyn komandalar quramyn 14-ke deıin kóbeıtý týraly sheshim shyǵardy. Qazaqstannyń 1-Lıgasynda bizdiń oblystan úsh komanda qatysqan bolatyn. Olar - «Maqtaaral«, «Arys«, «Qyran« komandalary. Biz osy úzdik úsh komandadan irikteý júrgizip, oblystyń, eldiń namysyn qorǵaıtyn «Turan» fýtbol komandasyn jasaqtap jatyrmyz. Jańa fýtbol klýbyn qurý mártebesine oraı, Túrkistan oblysynyń ákimdigi «Turan» fýtbol komandasynyń jańa logotıpin qalyptastyrý úshin báıge jarııalap otyrmyz. Baıqaýǵa Qazaqstannyń barlyq dızaınerleri men sýretshilerin qatysýǵa shaqyramyz. Óńirimizdiń tarıhı, rýhanı ereksheligi men salaýatty ómir saltyn ustanýǵa baǵyttaıtyn, úzdik dep tanylǵan logotıp avtoryna «Turan» fýtbol komandasynyń oıyndaryna bir jyldyq tegin bılet syıǵa beriledi. Baıqaýǵa «Coreldraw» baǵdarlamasymen daıyndalǵan, osy jyldyń 10 aqpanyna deıin jiberilgen jumystar qabyldanatyn bolady»,- dedi Sáken Amangeldiuly.
Jańa fýtbol komandasynyń basty ereksheligi – quramy tek jergilikti sportshylardan jasaqtaldy. ıAǵnı, shet memleketterden legıonerler shaqyrmaıdy. Bul – jergilikti talantty fýtbolshylardyń úlken arenaǵa shyǵyp, óz qabiletterin kórsetýge jol ashýǵa múmkindik.
Sondaı-aq, brıfıngke qatysqan oblystyq fýtbol federatsııasynyń prezıdenti Hakım Kóshqalıev federatsııa janynan aldaǵy ýaqytta oblystyq fýtbol akademııasy qurylatynyn jetkizdi.
«Dúnıejúzi boıynsha keń taraǵan sport túri - fýtbol Túrkistan oblysynda da keń órkendep, halyqaralyq rangide damıtyn bolady. Oǵan jýyrda ǵana ashylǵan «Túrkistan arena» stadıony tolyq jaýap bere alady. Óńirimizde otandyq fýtboldy jańǵyrtý maqsatynda Túrkistan oblysynyń fýtbol federatsııasy quryldy. Bul federatsııanyń basty maqsaty – oblystaǵy balalar men jasóspirimder fýtbolyn damytý. Aldaǵy ýaqytta «Arys» komandasy óz ataýyn «Turan» ataýymen jalǵastyratyn bolady. Jańadan qurylǵan «Turan» fýtbol klýbyna aldaǵy ýaqytta jeńister tileımiz», - dedi oblystyq federatsııa basshysy.
Komandanyń quramyna kelsek, qaqpashylar: Bekjan Toqtarbaı, Andreı Pasechenko, Stanıslav Pavlov, qorǵaýshylar: Nurlan Daırov, Meıirjan Kambıl, Ermek Qýantaev, Gafýrjan Nazarov, Qasymjan Taıpov, Mardan Tólebek, Mıras Týlıev, Elsúıer Alpysbaı. Al jartylaı qorǵaýshylar: Asyljan Abbas, Baqdáýlet Aqbergen, Bekjan Álipbekov, Erkebulan Amangeldi, Bekzat Beısenov, Nurǵaını Býrıbaev, Abaı Júnúsov, Shynbolat Maqsymhan, Alııar Muhamed,Samat Bortaı, Darhan Kalıuly. Sondaı-aq, shabýylshylar: Tanat Nóserbaev, Temırlan Amırov, Nkobı Stenlı Chısom.
