Túrkistan oblysynda Tuńǵysh Prezıdent kúni merekesine oraı ǵylymı konferentsııa ótti
Elbasynyń bastamasymen memleketti aıaqtan nyq turǵyzý boıynsha túrli ıdeıalar saıası -ekonomıkalyq reformalardyń iske asýyna, ulttyq memlekettiń qalyptasýyna úlesin qosýda.
Osy oraıda, Túrkistanda Qazaqstan Respýblıkasy Tuńǵysh Prezıdenti kúnine arnalǵan ǵylymı konferentsııa ótti. Oblystyq qoǵamdyq damý basqarmasynyń uıymdastyrýymen ótken sharaǵa Túrkistan oblysy ákiminiń orynbasary Sáken Qalqamanov, jazýshy, Qazaqstannyń eńbek sińirgen qaıratkeri Marhabat Baıǵut, Elbasynyń birge oqyǵan Asetýlla Karımov, «Nur Otan» partııasynyń oblystyq fılıaly tóraǵasynyń birinshi orynbasary Beısen Tájibaev, Túrkistan joǵarǵy medıtsına kolledjiniń jastar uıymynyń tóraǵasy Dúkenbaı Baqytjan Ábenuly qatysty. Konferentsııany ashyp júrgizgen S.Qalqamanov N.Nazarbaevtyń sarabdal saıasaty, nátıjesinde beıbitshilik pen kelisimniń, birlik pen tatýlyqtyń mekenine aınalǵanyn atap ótti.
«Elbasymyzdyń Túrkistan oblysyna, onyń ortalyǵy Túrkistan qalasyna yqylasy erekshe ekenin bilesizder. Bizdiń aldymyzda Elbasy senimin aqtap, Túrkistandy Túrki áleminiń mádenı-rýhanı ortalyǵyna aınaldyrý úshin ter tógip, aıanbaı eńbek etýimiz kerek», - dedi oblys ákiminiń orynbasary.
Jaqynda Nursultan Nazarbaevtyń Túrkistanǵa arnaıy kelgenine toqtalǵan jazýshy Marhabat Baıǵut Elbasynyń suńǵylalyǵy men danalyǵyn, onyń shynaıy bolmysyn sýretker kózimen taldap aıtyp, tosyn derekterdi kópshilikke baıandady.
Elbasynyń oblys ortalyǵyn Túrkistan qalasyna kóshirý jónindegi Jarlyǵynyń arqasynda Túrkistan kórkeıip, kıeli shahardyń jylnamasy jarqyn oqıǵalarmen tolyǵyp jatyr.
Óz kezeginde «Nur Otan» partııasy Túrkistan oblystyq fılıaly Tóraǵasynyń birinshi orynbasary Beısen Tájibaev burynyraq jaryq kórgen «Prezıdent pen perzent» kitabynyń jazylýdaǵy el bilmeıtin derekterimen bólisti.
Sharada Ult Kóshbasshysynyń Qazaqstandy damytý jolyndaǵy qaıratkerligi, ultqa degen qyzmeti, tulǵalyq qasıeti ashyla tústi.
Aıta keteıik, Elbasy Qazaqstan táýelsizdik alǵan jyldardan beri kıeli Túrkistan oblysyna 36 ret resmı saparlap kelgen. Onyń 36-shy sapary jýyrda 4-5 qarasha kúnderi bolyp ótti.
