Túrkistan oblysynda tún jarymynda qydyrǵan 420 jetkinshek polıtsııaǵa jetkizildi
TÚRKІSTAN. QazAqparat - Túrkistan oblysynyń polıtseıleri «Jasóspirim» jedel-profılaktıkalyq sharasyn qorytyndylady, dep habarlaıdy QazAqparat.
Esterińizge sala keteıik, Túrkistan oblysynyń aýmaǵynda 27-29 qańtar aralyǵynda «Jasóspirim» jedel-profılaktıkalyq is-sharasy ótkizildi.
Úsh táýlikte ıývenaldy polıtsııa ınspektorlary 420 kámeletke tolmaǵan balany polıtsııa bólimine jetkizdi jáne 369 ákimshilik quqyq buzýshylyqty anyqtady.
Ata-analar men zańdy ókilderge qatysty 14 ákimshilik hattama toltyryldy.
Shara barysynda ıývenaldy polıtseıler túngi ýaqytta úıden tys jerde bolǵan 310 jasóspirimdi anyqtady.
Sondaı-aq jasóspirimderdiń usaq buzaqylyq jasaǵany úshin - 3 ákimshilik hattama, mas kúıinde qoǵamdyq orynda júrgeni úshin 4 ákimshilik hattama toltyryldy.
Kámeletke tolmaǵandarǵa alkogol satqany úshin 13 adam, jasóspirimderge temeki satqany úshin 10 quqyq buzýshy jáne jasóspirimderdiń kóńil kóterý oryndarynda saǵat 22:00-den keıin bolýyna jol bergeni úshin 6 mekeme ıesi ákimshilik jaýapkershilikke tartyldy.
Polıtseıler 48 jasópirim men 41 qolaısyz otbasyn profılaktıkalyq esepke qoıdy.
Sonymen qatar, tártip saqshylary halyqtyń, onyń ishinde kámeletke tolmaǵan balalar men jasóspirimderdiń quqyqtyq saýatyn arttyrý boıynsha túsindirý jumysyn júrgizýde.
