Túrkistan oblysynda toı ótkizgenderge aıyppul salyndy

TÚRKІSTAN. QazAqparat - Saryaǵash jáne Jetisaı aýdandarynda monıtorıngilik top kezekti reıd barysynda 200-ge jýyq qonaq shaqyrylǵan merekelik is-sharalardy anyqtady. Al Keles aýdanynyń turǵyny jeke úıiniń aýlasynda shekten tys adamnyń qatysýymen toı ótkizgen, dep habarlaıdy QazAqparat tilshisi.

Túrkistan oblysynyń Bas memlekettik sanıtarııalyq dárigeriniń Qaýlysyna sáıkes 27 qyrkúıekten bastap 100 adamnan asyrmaı otbasylyq is-sharalardy ótkizýge ruqsat berilgen. Degenmen, bul shekteýlerge qaramastan óńir turǵyndarynyń kópshiligi qonaqtar sanyna qatysty shekteýdi elemeı, merekelik is-sharalar ótkizýdi jalǵastyrýda.

Mobıldi top músheleri SEBD-niń Qaýlysy talaptaryn oryndamaǵandyǵy úshin kináli tulǵalarǵa QR ÁQBtK-niń 425-babyna sáıkes aıyppul saldy.

Jalpy oblysta karantın talaptarynyń saqtalýyna baqylaý júrgizetin 120 monıtorıngilik top jumys jasaýda. Jyl basynan beri búginge deıin 4 711 karantın talaptaryn buzýshylyq anyqtalyp, 264 427 000 kóleminde aıypul salynǵan.