Túrkistan oblysynda toı kortejinde nómirsiz júrgen júrgizýshi jaýapqa tartyldy
TÚRKІSTAN. QazAqparat - Túrkistan oblysynda toı kortejinde nómirsiz júrgen júrgizýshi jaýapqa tartyldy. Sondaı-aq, ol qosymsha jaryqshamdar ornatyp, jol erejesin óreskel buzǵan, dep habarlaıdy QazAqparat tilshisi.
Oqıǵa Aqsýkent aýylynda bolǵan. Kóligine ruqsat etilmegen qurylǵylardy ornatqan júrgizýshi Jibek joly kóshesinde qarsy qozǵalys jolaǵyna ótip, emin-erkin júrgen. Saıramdyq saqshylar kúdikti kólikti kósheniń qaq ortasynda toqtatty. Jol qozǵalysy erejesin óreskel buzǵan kúdiktige qatysty QR ÁQBtK-niń birneshe baby boıynsha ákimshilik hattamalar toltyryldy. Al kóligi aıypturaqqa qoıyldy. Sondaı-aq, aıǵaqty zat retinde kólik quralyna zańsyz ornatylǵan jaryq pen dybys sıgnaldaryna arnalǵan qurylǵy tárkilenip alyndy.
«Atap aıtar bolsaq, QR ÁQBtK-niń 590-babynyń 2-bóligimen (Kólik quraldaryn paıdalaný qaǵıdalaryn buzý), 596-baby 3-bóligimen (Kólik quralyn joldyń júrý bóliginde ornalastyrý, qarsy júrip ótý nemese basyp ozý qaǵıdalaryn buzý) jáne 603-baby 1-bóligi (Kólik quralyna arnaıy jaryq jáne dybys sıgnaldaryn berýge arnalǵan qurylǵylardy ornatý qaǵıdalaryn buzý ne jedel jáne arnaıy qyzmetter avtomobılderiniń arnaıy tústi-grafıkalyq shemalaryn zańsyz jazý) boıynsha ákimshilik hattamalar toltyryldy», - delingen Túrkistan oblysy polıtsııa departamentiniń baspasóz qyzmeti taratqan habarlamada.
