Túrkistan oblysynda tótenshe jaǵdaı rejımin buzýdyń 54 faktisi anyqtaldy
TÚRKІSTAN. QazAqparat – Túrkistan oblysynda Polıtsııa departamentiniń qyzmetkerleri kúsheıtilgen rejımde qyzmet atqaryp, kúndizgi jáne túngi reıdtik jumystardy júrgizýde. 11 kún ishinde tótenshe jaǵdaı rejımin buzýdyń 54 jaıty anyqtaldy, dep habarlaıdy QazAqparat tilshisi.
Tártip saqshylary tótenshe jaǵdaı kezinde iske asyrylatyn talaptardyń saqtalýyn qadaǵalaýda. Osyndaı úzdiksiz júrgizilgen sharalardyń barysynda oblys polıtseıleri tótenshe jaǵdaı rejımin buzǵan azamattar anyqtap, hattamalar toltyrdy. Máselen, oblys ortalyǵy Túrkistanda 12 jaıt tirkelip otyr. Al, Arys pen Shardarada - 6, Kentaý men Keleste - 4, Jetisaı, Shardara men Maqtaaralda - 3, Saıram men Qazyǵurtta - 2, Tólebı, Otyrar, Ordabasy jáne Túlkibasta bir-bir faktiden tirkelgen.
Saryaǵash aýdanynda eki birdeı dámhana ıesine aıyppul salynsa, Maqtaaralda betashar ótkizgen 3 turǵynǵa qatysty shara qoldanyldy. Saqshylar QR Ákimshilik quqyq buzýshylyq kodeksiniń 476-baby «Tótenshe jaǵdaı rejımin buzý» boıynsha hattamalar toltyryp, qujattardy der kezinde qalalyq, aýdandyq sottarǵa joldady. Sondaı-aq, sot quzyrlyǵymen 54 jaıttyń 25-ine sheshim shyǵarylyp, árqaısysy boıynsha 26 myń 510 teńgeden aıyppul salynǵan. Oǵan qosa 4 jaıt volonterlerdiń anyqtaýymen tirkelgen.
