Túrkistan oblysynda tótenshe jaǵdaı rejımin buzǵandar 5 táýlikke qamaldy
TÚRKІSTAN. QazAqparat – Túrkistan oblysynda tótenshe jaǵdaı rejımin buzǵan turǵyndar jaýapqa tartylýda. Polıtseıler óńirde shekteýlerge baǵynbaǵan 16 tulǵany anyqtap, ekeýi sot sheshimimen 5 táýlikke qamaýǵa alyndy, dep habarlaıdy QazAqparat tilshisi.
Túrkistan qalalyq polıtsııa basqarmasynyń saqshylary bul kúnde kúsheıtilgen tártipte qyzmet atqaryp, tótenshe jaǵdaı kezinde táýlik boıy reıdtik sharalar júrgizýde. Tıisti talaptarǵa baǵynbaǵan turǵyndarǵa qatysty QR ÁQBtK-niń 476-baby («Tótenshe jaǵdaı rejımin buzý») boıynsha hattamalar toltyrylyp, jaýapkershilikke tartylýda.
Máselen, qala ortalyǵynda tótenshe jaǵdaıǵa qaramastan zańsyz jumys jasap turǵan kompıýter klýby men 5 meıramhana jáne kishi fýtbol alańy anyqtalǵan. Sondaı-aq, dámhanalardyń birinde qudalyq, týǵan kún jasaǵan azamattar da jaýapqa tartyldy. Turǵyn úıiniń aýlasynda toı jasaǵan turǵynǵa da shara qoldanyldy.
