Túrkistan oblysynda tótenshe jaǵdaı rejımin buzǵan 54 adam qamaýǵa alyndy
TÚRKІSTAN. QazAqparat – Túrkistan oblysynda tótenshe jaǵdaı rejımin buzǵan 54 adam qamaýǵa alyndy, dep habarlaıdy QazAqparat.
«Túrkistan oblysynda koronavırýs ınfektsııasynyń taralýynyń aldyn alý maqsatynda tótenshe jaǵdaı jarııalanǵany belgili. Bul rette TJ talabyn oryndamaıtyn azamattar kóp. Oblys aýmaǵynda búgingi kúnge deıin kúsheıtilgen sanıtarlyq-dezınfektsııalyq rejımniń saqtalýyn, ıaǵnı tótenshe jaǵdaı talabyn buzǵan 233 nysanǵa Ákimshilik quqyq buzýshylyq týraly kodekstiń 476-babyna sáıkes hattamalar toltyrylyp, jergilikti sotqa joldandy. Sot sheshimimen 157 tulǵaǵa 10 AEK esebinde aıyppul salynyp, 53 tulǵa qamaýǵa alyndy (Arys-7, Báıdibek-2, Qazyǵurt aýdany-5, Jetisaı-7, Maqtaaral-2, Ordabasy-2, Otyrar –3, Saryaǵash-4, Keles-3, Túrkistan qalasy-4, Saıram-2, Kentaý-9, Tólebı-1, Túlkibas-1, Sozaq-1)», - delingen Óńirlik kommýnıkatsııalar qyzmetiniń málimetinde.
Budan bólek, Túrkistan qalasy boıynsha 41 (qoǵamdyq tamaqtaný oryndary-15, saýda oryndary-8, azyq túlik dúkeni-15, shashtaraz-2, tigin tsehy-1) ákimshilik quqyq buzýshylyq hattama toltyrylyp, sotqa joldanǵan. Onyń 37-sine aıyppul salynyp, 4 tulǵa qamaýǵa alyndy.
Erejege saı, Túrkistan oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti oblys boıynsha halyq kóp shoǵyrlanatyn 3500-ge jýyq nysanǵa dezınfektsııalaý jumystaryn júrgizdi.
