Túrkistan oblysynda toǵyz PTR zerthana jumys istep tur

TÚRKІSTAN. QazAqparat - Túrkistan oblysynyń sanıtarııalyq-epıdemıologııalyq baqylaý departamentiniń mamandary óńirdiń epıdemıologııalyq ahýalyna kúndelikti monıtorıng júrgizedi, dep habarlaıdy QazAqparat.

Koronavırýstyń taralýyna qarsy vedomstvoaralyq komıssııanyń málimetinshe, jyl basynan beri oblystaǵy epıdemıologııalyq jaǵdaı turaqtandy.

Sonymen, qańtar, aqpan aılarynda indetti juqtyrý deńgeıi 58% tómendegen.

Naýryz aıynyń birinshi jartysynda da turaqtylyq baıqalyp otyr.

1 qańtar men 14 naýryz aralyǵynda óńirde 4 352 adam indet juqtyrsa, sońǵy táýlikte - 8 jańa KVI jaǵdaıy tirkelgen.

Túrkistan oblysynda 9 polımerazdy tizbekti reaktsııa (PTR) zerthanasy jumys jasaıdy.

Pandemııa bastalǵannan beri 531 855 adam tekserýden ótken.

Sonymen qatar, oblysta pnevmonııaǵa shaldyǵýshylar sany da 25% azaıyp otyr.

Eldegi epıdemıologııalyq ahýaldy baǵalaý matrıtsasyna sáıkes Túrkistan oblysy turaqty túrde «jasyl aımaq» qatarynda keledi.