Túrkistan oblysynda tirkelip jatqan kólikterdiń kóbi Reseı men Armenııadan jetkizilgen

TÚRKІSTAN. QazAqparat - Túrkistan oblysynda tirkeýge alynyp jatqan kólikterdiń kópshiligi Reseı men Armenııadan jetkizilgen. Bul týraly Túrkistan oblysy polıtsııa departamenti ákimshilik polıtsııa basqarmasynyń bastyǵy Almashan Tastanbekov málimdedi, dep habarlaıdy QazAqparat tilshisi.

Búgingi kúnge deıin Túrkistan oblysynda 300-ge jýyq sheteldik kólik ýaqytsha tirkeýge alyndy.

Olardyń kóbi - Reseı men Armenııa elderinen jetkizilgender. Sondaı-aq, olardyń ishinde nexia, vaz 2107, vaz 2106 kólikteri kóp.

«Eýrazııalyq ekonomıkalyq odaq elderinen jetkizilgen jáne zańdastyrýdan ótpegen avtomobılderdi memlekettik tirkeý jónindegi jumys merzimi ótkennen keıin keri áketý nemese bastapqy tirkeýden ótý týraly mindetteme qoıyldy. ıAǵnı 5 jyl merzimge ýaqytsha esepke alý rásimi engizildi. Túrkistan oblysynda bul baǵytta jalpy 297 ótinish tústi. Onyń ishinde 289 avtomashına ýaqytsha tirkeýge alynyp, 8 kólikti ýaqytsha tirkeýden bas tarttyq. Tirkeýge alynbaýdyń basty sebebi - kólikterdiń jetkizilgen elderinde arestke qoıylýy nemese tirkeýden shyqpaýy bolyp otyr» deıdi polıtsııa polkovnıgi.