Túrkistan oblysynda tirkelgen koronavırýstyń jańa oqıǵasy týraly aıtyldy
TÚRKІSTAN. QazAqparat – Túrkistan oblysynda koronavırýs ınfektsııasyna taǵy bir adam shaldyqty. Naýqas Ordabasy aýdanynda tirkeldi, dep habarlaıdy QazAqparat.
Buǵan deıin habarlaǵanymyzdaı, 8 sáýir saǵat 21.15-tegi resmı málimet boıynsha, Qazaqstanda koronavırýsty juqtyrýdyń jańadan 9 oqıǵasy anyqtaldy . Onyń ishinde 1 jaǵdaı Túrkistan oblysynda tirkeldi.
«Naýqas buǵan deıin vırýs juqtyrǵan adammen tyǵyz qarym-qatynasta bolýyna baılanysty karantındik statsıonarǵa jatqyzylǵan bolatyn. QR Bas memlekettik sanıtarııalyq dárigeriniń qaýlysyna sáıkes odan zerthanalyq synamalar alyndy. Dıagnoz naqtylanyp, aýdandyq juqpaly aýrýlar bólimine aýystyryldy. Qazirgi tańda naýqastyń jaǵdaıy qanaǵattanarlyq. Bekitilgen hattamaǵa sáıkes tıisti em júrgizilýde. Búginde naýqaspen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alynýda. Aýrý oshaqtarynda epıdemıologııalyq tekserý, dezınfektsııalyq jumystar júrgizilip jatyr», - delingen Memlekettik komıssııanyń shuǵyl shtaby usynǵan málimette.
Búginge deıin Túrkistan oblysynda COVID-19 koronavırýs ınfektsııasyn juqtyrǵan jalpy 34 adam anyqtaldy:
Jetisaıda – 14,
Ordabasyda – 2,
Saıramda – 2,
Maqtaaralda – 4,
Saryaǵashta – 1,
Kentaýda – 5,
Arysta – 6 adam.
