Túrkistan oblysynda terrorızmge qarsy qorǵanys máselesi talqylandy

TÚRKІSTAN. QazAqparat - Túrkistan oblystyq Polıtsııa departamentinde terrorıstik turǵydan osal nysandardyń terrorızmge qarsy qorǵanys máselesi sóz boldy.

Basqosýǵa Ekstremızmge qarsy is-qımyl basqarmasynyń qyzmetkerleri men «Atameken» UKP-nyń ókilderi, bilim berý men densaýlyq saqtaý basqarmasy jáne basqa da múddeli mekeme mamandary qatysty, dep habarlaıdy QazAqparat tilshisi.

Qazaqstan Respýbıkasynyń Úkimeti men terrorıstik turǵydan osal keletin nysandardyń qataryna elektrmen, sýmen qamtamasyz etetin, kásipkerlik pen saýda ortalyqtary, teatr, mádenı-sporttyq ǵımarattar, bilim jáne densaýlyq saqtaý mekemeleri men transporttyq jáne taǵy basqa qurylys nysandary jatatyny belgili.

Shara barysynda atalǵan nysandardyń ıelerine jáne basshylaryna terrorlyq áreketke qarsy turý, ınjenerlik-tehnıkalyq talaptardy saqtaýdy kúsheıtý men terrorlyq áreketterge qarsy qorǵanys talapqa saı bolý qajettiligi eskertildi.

Terrorıstik turǵydan osal ári quqyqtyq normalarǵa saı kelmeıtin, sondaı-aq terrorlyq qorǵanys talaptaryn oryndamaıtyn mekemelerdiń ıeleri men kásipkerlerdiń máselesi qaraldy.

Óńirlik PD málimetinshe, aǵymdaǵy jyldyń basynan bastap polıtseıler 100-ge jýyq nysandardy teksergen. Jıynda terrorızmge qarsy qorǵanys talaptaryn saqtamaǵan nysan basshylary men ıeleri jaýapqa tartylatyny eskertildi.